تغزل في خالد

يا خــــالدْ صادني ضبي(ن) نهاليْ خرمةِ التُمْباك
وخـــــلاني سِجينه قادنــــي لِلـقِيــد مِن قـــده

يا خالد ما عرفت الشعر إلا يــوم شُفْتـــــه ذاك
أجيبـه في حُـــــــروفي ضمْ ثُم أكسره وامِده

يبيني فاعل(ن) مرفوع تقديــره كثيــــر حراك
ويـــرجع ينصب أحمـــالي وتحيا في حضن يده

سكـــوته مبتدأ صامت وياتي في الخبر ضحــاك
وسحـــرة من خوات إن لطيفة بس في حــــده

دخيل عيونها كــالسحر جامح ذابح(ن) فتــــاك
قتــل مخي وترك لي جمجمة في إشهـر العدة

يدوخ إذا سمـــع مني كــلام(ن) مثل يا محلاك
وتذبــــل هالستايــر في عيونه وينصبـغ خده

ياريتـــه ساكن(ن) جنبـي وشباكه على الشباك
أجيــب حبــــــال ثم أربطه من إيديه واشده

يقول إرفع ابي أرقـــى تراني ما وصلت شفـاك
أعذب فيه مره فوق مره تحت واستخدم له الشدة

أحط ايدي على شفـــاهه واقول الله ما أشهــاك
واذوق الشهـــد من ريقه واغــادر من سما جدة

وأتفقد تفاصيلـــه لأنــي مغـــرز(ن) في ذاك
عجــزت أحصي تفاصيله عجـزت أحفضه واعده

احســـه ما يصدقني واضنـــه دوم بي شكـــاك
ولكن مــا يصارحنــــي بهالإحســاس من مدة

إذا يأمـــر على عمـــري وقلبي قلت له تفداك
وإذا بينـــام بقلــب له حنــايــا صدري مخدة

سجل حضوري واعجابي صامتا بماقدمت

مشكور يعطيك الف عافيه